Laurdag 23. november blir det sal av lodd for TIL-trimgruppas adventkalender på Matkroken Todalen – frå kl 10 og utover dagen. Det er enno tid for å kjøpe lodd, og det kan du aller enklaste gjera direkte via Vipps nr 523022 – og du kan gjerne kjøpe i fleire omgangar for å få fleire vinnarsjansar.
Torill Talgø i TILs trimgruppe fortel at det er kome inn mange flotte gevistar, så vinnarsjansen er stor. Første trekning blir kunngjort 1. desember, og så blir det trekning kvar dag fram til julaftan 24. desember. Inntekta frå årets sal av adventlodd går til drift av TILs trimgruppe som mellom anna arrangerer Romjulsmarsjen og Gunnøydilten, og som driftar trimkonkurransen «Turar i Todalen».