Om du vil det eller ei, så er det eit tegn på at ei ny årstid er i kjømda når brøytestikkene blir sett ut. September er ei travel tid for Jenstad Maskin på Gjøra, fortel Ivar Magne Gravem, som onsdag var i full gang med å sette ut brøytestikker etter fylkesvegen rundt bygda. – Ein kan no saktens håpe på at det går nokre veker enno, før det blir behov for brøytestikker.
Snart gjort å sette ut brøytestikker etter fylkesvegen rundt bygda. Foto Jon Olav Ørsal
Jenstad Maskin har kontrakt med Veidekke om utsetting av brøytestikker. Dei har tre traktorar ute med utstyr for å sette ut brøytestikker, og det gjeld alle vegane på Nordmøre der Veidekke er ansvarleg entreprenør. Til saman er det rundt 50.000 brøytestikker som skal ut no i september. – «Så vi har nå å hall på med» sa Ivar Magne, og var realist.
Så får vi bare gle oss til den grøne traktoren kjem for å ta opp att stikkene når det lir til vårs – same utstyret blir bruka da og!
Brøytestikkene blir både sett ut og tekne inn att med same utstyret. Foto Jon Olav Ørsal