Høyring for lokale forskrifter til den nye Opplæringslova

Frå 1. august i år blir den nye Opplæringslova, som gjeld for grunnskulen og videregåande opplæring gjort gjeldande. I samband med dette skal Surnadal kommune vedta fleire forskrifter før skulestarten i august. Her kan du lese meir om dei ulike utkasta, og om korleis du kan gje innspel på forskriftene. Høyringsfristen er 2. juni.

Om høyringa

I ny Lov om grunnskoleopplæringa og den vidaregåande opplæringa (den nye Opplæringslova) er det fleire endringar i høve til dagens lov. Mellom anna er det krav om at det skal utarbeidast lokale forskrifter. Det vil seie at kommunane må ha høyrt, vedteke og kunngjort nye forskrifter i høve til den nye Opplæringslova før 1. august. Det er kommunestyret som fastsett lokale forskrifter.

Målgruppe for høyringa er barn, føresette og tilsette i skulane. I tillegg er høyringa lagt ut til innbyggarane på Surnadal kommune si heimeside.

Einingsleiar vidaresender forslaget til elevråda, foreldras arbeidsutval (FAU), skulane sitt skulemiljø – og samarbeidsutval (SSU), tillitsvalde og verneombod ved skulane i kommunen.

Les høyringsnotatet her

Høyringsdokument

Hovudutval for tjenesteutvikling har behandla saka i sitt møte 18.mars i år, som sak 17/24
Følgande vedtak vart fatta: Følgande utkast til forskrifter blir lagt ut på offentleg høyring:

1 Forskrift om permisjon frå skulen (PDF, 127 kB)

2 Forskrift om skulefritidsordningane (SFO) for 2024 – 2027 i Surnadal kommune

3 Forskrift om skulereglar og skuledemokrati i Surnadal kommune

4 Forskrift om skule- og feriedagar 2024 – 2027 i Surnadal kommune

5 Forskrift om hovudmål på kvar skule i Surnadal kommune