Historielag med tur til Storlidalen

Todalen historielag og Stangvik historielag arrangerer busstur til Storlidalen og Oppdal laurdag 17. juni. Det blir eit allsidig program med guiding av lokal kjentmann i Storlidalen og omvisning på Oppdalsmuseet. Kaffe med bakels og oppdalsgraut i Negard i Storlidalen og middag i Hoksengstuggu på Oppdalsmuseet. 

Storlidalen og Oppdal kommune er naboane våre i søraust, og det har vore sterke band mellom bygdene våre. Ferdselsåra gjennom Gammelseterdalen var mykje bruka før i tida. For opdalingane var dette i lange tider beste vegen til sjøen og byen. Det var også utveksling av arbeidskraft mellom grendene, mange frå Todalen og gamle Stangvik herad var onnahjelp i Storlidalen og Oppdal etter at slåttonna var ferdig heime.  

Da det er begrensa plass i bussen, vil medlemmer av Todalen historielag og Stangvik historielag bli prioriterte med plass på denne turen. Medlemmer som ønskjer å vere med på turen, må melde seg på innan 4. juni. Viss det da er ledige plassar, blir det opna for påmelding av ikkje-medlemmer. Dette trur vi vil bli ein fin og interessant dag, så vi håpar  å fylle opp bussen! Vel møtt til ein triveleg tur!

Her følgjer orienteringskrivet om turen frå Stangvik historielag og Todalen historielag:
 Laurdag 17. juni 2017 arrangerer vi busstur for historielagas medlemmer til Storlidalen og Oppdal.
Kjøreplan og program:
·         Bussen med sjåfør Øystein Moe kjører frå Talgø i Todalen kl. 07.20
·         Tek på passasjerar på tur utover og stoppar ved Stangvik Skule kl. 07.40
·         Påstiging på Kvanne før fergeavgang kl. 08.00
·         Påstiging på Sunndalsida: Rykkjem 8.15, Ålvundfoss 8.20, Ålvundeid v/ Leikvoll 8.30 og Sunndalsøra v/ rutebilstasjonen kl. 08.40.
·         Harald Storli kjem om bord på Lønset og skal guide oss gjennom Storlidalen der det blir stopp og omvising på Bårdsgarden før vi parkerer i Storligrenda.
·         Kaffe med bakels og Oppdalsgraut blir servert inne på Negard og vertsfolket vil orientere om plassen og grenda. Etterpå tek vi den korte spaserturen opp til Bortistu.
·         Klokka blir sikkert 12.00 før vi gjer klart for avgang mot Oppdal.
·         Stopp ved Oppdalskyrkja og omvising i Raulåna like ved kyrkja.
·         Vidare til Oppdalsmuseet og Hoksengstuggu, som vi har leigd resten av dagen.  Her blir det servert middag m/dessert og kaffe og litt underhaldning av to lokale spellmenn. Det blir omvising på museet.
·         Når vi er klare for det, returnerer vi heimover.
Vi har plass til 55 personar i bussen, og dette er også max personar vi kan ta inn i Hoksengstuggu til middag. Difor blir det ‘’først til mølla-prinsippet’’ når det gjeld påmelding.
Pris for medlemmer kr. 400,- som inkluderer alt utanom ferjebillett.
Bindande påmelding innan 4. juni til
Todalen historielag v/ John Moe telefon 920 48 856
Stangvik historielag v/ Einar Grønnes telefon 918 94 944
 
Dersom det er ledige plassar etter at påmeldingsfristen har gått ut, tilbyr vi desse til ikkje-medlemmer til kr. 600,- / person.