Da Henning Sommerro fylte 70 år fekk han som gåve frå Surnadal kommune 25 000 kroner, som han kunne gje vidare som stipend til unge talent frå Surnadal kommune. Juryen i Henning-stipendet består av Henning Sommerro, ordfører Hugo Pedersen, kulturskolerektor Torbjørn Larsen og kulturleiar Lilli Husby. I dag, under Henning-timen i Storstuå på Surnadal kulturhus vart årets Henning-stipend delt ut. Det var varaordførar Annett Ranes som delte ut stipenda.
Ho representerer ordførar Hugo Pedersen i dag. – Han helser og beklagar at han måtte prioritere eit anna møte; sa Annett Ranes under utdelinga.- Eg har fått fortalt at Henning ønskjer støtte unge som er interessert i ulike
kulturuttrykk – som musikk, komposisjon, litteratur, visuell kunst, dans, teater,
kunsthandverk, film, animasjon, grafisk design og dataspelprogrammering, la ho til.
Hennings-tipendet er ikkje ein pris for noko ein har oppnådd, men heller ei hjelp på vegen for å utvikle seg innafor noko ein likar å halde på med.
Kriteria for å søkje på Henningstipendet er:
• At du er mellom 13 og 20 år
• Dette er ikkje ein pris for noko du har oppnådd, men hjelp på vegen
for å utvikle deg på noko du liker å halde på med.
• Du kan vere kulturskule elev, eller elev ved ei eller anna kulturline på
vidaregåande, eller du kan drive med ein hobby heime på ditt eige
rom.
• Du har bustads adresse i Surnadal, men elevar eller studentar opp til
og med 20 år, som bur på hybel kan sjølvsagt òg søkje.
I år vart det delt ut tre stipend, to innanfor musikksjangeren og eitt innanfor teater/musikkteatersjangeren.
Henningstipendet i år er på 5 000 kroner og går til:
Søskena Holten, Karianne, Johanne og Sigve – Musikk
Martin Phil Strand – Musikk
Jannicke Valstad Stenberg – Musikkteater
Vi gratulerer med tildeling!