Hausttakkefest med markering av dåp, konfirmantjubileum og 6-årsbok

Det var stor aktivitet under dagens gudsteneste i Todalen kyrkje. Kyrkja var pynta til hausttakkefest med frukt og grønsaker for å markere at innhaustinga er ferdig.  Elles var det både dåpshandling, markering av 50-årsjubileum for konfirmantane frå 1969 og ikkje minst utdeling av 6-årsbok.

I dag vart Fillip Torvik Børmark båret til dåpen, og det var dåpshandling saman med foreldre, faddere og familie.  Vidare var det markering av 50-årsjubileet til konfirmantane frå 1969 som fikk kvar si historiebok om Todalen kyrkje som jubileumsgåve. Utdeling av 6-årsbok var det også – Natascha Maria Nordvik utviste stort mot og presenterte seg sjøl framfor menigheta da ho fekk boka med leiar i soknerådet Britt Mossing. Under gudstenesta var det nattverd og takkoffer til trusopplæringa i menigheta.