Gudsteneste med både kor- og solosong

Under dagens gudsteneste i Todalen kyrkje bidrog Straumsnes songlag med korsong – det var i samband med songarstemnet i Surnadal i helga at vi fekk utlånt eit songkor for å delta korsong. Det er utruleg kor godt det løftar allsongen når du får med eit heilt kor.

Straumsnes songlag bidrog med to separate nummer i gudstenesta – det første innslaget var «Jetlebekken» av Arne Garborg og de andre var «Cormeum».  Vi høyrte at presten Pål Arne Winsnes skrytte av koret:  «Reint og fint – vakkert var det!» .  Det utsagnet stiller vi oss bak!
Det var forresten meir song og musikk – Nina Halset sørga for solosong – tre gong var ho fram i koret og vi fekk i tur og orden høyre «Blå salme», «Vår beste dag» og «His eyes is on the sparrow».  Dei to første er det Erik Bye som har skrevet teksta til, medan den siste har tekst etter Lauren Hill.

Rannveig Eikrem som er dirigent i Straumsnes Songlag er forresten svanger med bok om Kristian Halse og samlingane hans.  Når boka kjem er ho usikker på – kanskje til neste vår dersom eg blir ferdig, seier ho til Todalen.no.  Rannveig skreiv masteroppgåve om samlingane til Kristian Halse i 2008, og boka er basert på den. Kristian har samla inn ein masse folketonar på Nordmøre – noko av dette materialet er gjeve ut, men det meste ligg i samlinga som manus.  Materialet er sikra i Folkeminnearkivet i Trondheim, og ventar berre på å kome fram i lyset.

Neste gudsteneste I Todalen blir friluftsgudsteneste i Svinviks arboret søndag 17 august kl 12.  Elles går dagens kollekt til Kirkens SOS – og dersom du vil bidra med ein slant så går det an på Vippsnr for Todalen sokn er 506908.