Surnadal demensforening og helselag inviterer eldre til nyttårsfest på Thon Hotell Surnadal. Det skjer Torsdag 23. januar kl 17:00, og leiar Liv Botten ber om påmelding på telefon 957 29 719 seinast onsdag 15. januar.
Liv Botten er leiar i Surnadal demensforening og helselag – no inviterer ho eldre til nyttårsfest – meld deg på! Arkivfoto Jon Olav Ørsal
På programmet for nyttårsfesta står først og fremst servering av middag, dessert og drikke, men det er også underhaldning av Mathias Kalvatsvik – kjent frå Bjørns orkester. Moglegheiter for ein svingom blir det også og loddsal /lynlotteri med mange flotte gevinstar. Arrangementet blir dekt av Surnadal demensforening og helselag, fortel Liv Botten som håpar at mange blir med og prisar det nye året. Meld deg på!
