Tysdag serverte Todalen bondelag lunsj til små og store ved Todalen oppvekstsenter, – noko som dei har gjort i mange år. Bondelagslunsjen er slik blitt ein god og triveleg tradisjon.
Blide ungar som synest bondelagslunsjen er topp! Foto: Torill Gjeldnes.
Vanlegvis skjer dette 6. februar. Da kjem sola att til oppvekstsenteret etter tre månader bak fjella, og så er det også samefolkets nasjonaldag – altså mange grunnar til å ha ein festdag. Men i år fall denne dagen på ein laurdag og dermed vart feiringa utsett. Og i dag vart det til og med ein gløtt av sol!
Godt med mat. Frå venstre: Selma, Nicole og Aleksandra. Foto: Torill Gjeldnes.
Tor Asbjørn, Edel Therese og Sivert nyt maten. Foto: Torill Gjeldnes.
Frå bondelaget stilte i dag leiaren i bondelaget, Ola G. Kvendset, Per Åke Jakobsson og Sven Olav Svinvik. Ola Kvendset fortalde litt om maten dei serverte: nydeleg brød som var steikt i gammaldags steinomn i Steinarstuå, koka egg frå Pestuå og kakaoen var laga av mjølk frå Viastuå – kortreist mat! Skuleungane hadde baka solbollar, og barnehagen stilte med appelsin, – gul som sola! Maten smaka kjøle godt og gjekk ned på høgkant!
Sunn mat! Foto: Torill Gjeldnes.
Sjølvbaka solbollar smaka godt! Foto: Torill Gjeldnes.
Alle både i barnehagen og i skulen set stor pris på at Todalen bondelag kjem på besøk og samstundes serverer så god mat. Dei er velkomne att neste år!
Det vart sol både inne og ute. Foto: Torill Gjeldnes.
Mykje godt på lunsjbordet! Foto: Torill Gjeldnes.