I dagens individuelle konkurranse var det Aron Rodal Haugen som trekte det lengste strået, og han hamna til slutt på ein 7.-plass i klassen U18 Men. Aron kom i mål på tida 55:08 (+4:44 til vinnartida til kinesaren Langjia Gongsong), men fekk 3 minutt i tillegg av ein eller anna grunn.
Nest beste nordmann i klassen vart Hampus Mack Tronvoll med +7:35 og Isak Drøpping hakk i hel på 19.-plass og +10:50. Fjerde beste nordmann vart Iver Holen på 23.-plass og +12:59. Totalt var det 32 fullførte i klassen U18 Men, og vi må vel seie at dette er jamt bra resultat av klasse U18 menn i juniorlandslaget.
Full fart i løypene i Puy Saint Vincent – her er det reineste påskeføret – foto Ingvild Kårvatn
I dameklassen U20 var det to norske deltakarar – Ingfrid Klokset og Elise Hjelset Andersen. Elise låg på 4.plass gjennom det meste av løpet, men kom i mål til ein 6.-plass etter å ha fått 1 minutt i tillegg – dermed vart det +10:49 i forhold til den kinesiske vinnaren Yuzhen Cidau som kom i mål på 1.08:17. Ingfrid Klokset kom på 13.-plass med 3 minutt i tillegg og tillegg på 28:20 i forhold til den vinnartida.
Mads Kirkreit Gjethammer var einaste norske deltakar og hamna til slutt på ein 34.-plass på tida 1.39:44 som er +31:07 i forhold til vinnaren Luer Bu som kom på 1.08:37.
Juniorverdscupen er no komen i innspurtfasen og blir avgjort søndag med vertikal før det blir slege sluttstrek her i Puy-Saint-Vincent i Frankrike. Aron Rodal Haugen og Isak Drøpping deltek for Trollheimen Fjellsportklubb.
Det var uvanleg mange som fikk tillegg på tida i dag – vi har forstått at det er antyda at årsaka er dårleg merking. Dersom Aron ikkje hadde fått tillegg ville han hamna på bronseplass! Men det var like forhold for alle!
Trollheimen Fjellsportklubb er medlem i Todalen.no