Måndag og tysdag var leiinga i Bindal kommune på besøk hos Talgø – det var nyvalt ordførar Frode Næsvold, kommunedirektør Knut Thoressen og saksbehandlar Camilla Brevik. Dei var på Nordmørstur i anna ærend, og tok da turen til Todalen.
![](http://todalen.no/wp-content/uploads/2024/01/Bindal_GFmote_4015-1.jpg)
Erling Talgø, lengst til venstre sørga for presentasjon av Talgø si verksemd på lokalplanet. Foto Jon Olav Ørsal
Ordførar Frode Næsvold tykte det var på tide å besøke Talgø på heimebane for å sjå kva dem held på med, for Talgø er ein betydeleg næringslivsaktør i Bindal kommune etter kvart. -Vi har fått omvising både her i Todalen og på anlegga i Surnadal, og er imponert over det som Talgø har fått til.
Talgø har også mange prosjekt både i Bindal og i Rørvik/ Kolvereidområdet. Hos oss i Bindal kan vi nemne Bygger’n-butikken og Servicesenteret på Terråk, Langstranda hyttefelt og småbåthamna og ikkje minst Talgø Agrobygg på Bindalseidet som er ein betydeleg aktør på landbruksbygg på Helgeland og nordover.
![](http://todalen.no/wp-content/uploads/2024/01/Bindalsbesok_TalgoBygg_4024-kopi.jpg)
Omvisning på Talgø Bygg i Todalen – frå venstre Camilla Brevik, Frode Næsvold, fabikksje Michal Heimlund og Knut Thoressen. Foto Jon Olav Ørsal
Frode Næsvold seier at dei er spesielt interessert i kva Talgø har å by på når det gjelder bustadbygg, for Bindal kommune er under press på grunn av flyktningesituasjonen på same måte som mange andre kommunar både lokalt og nasjonalt.