I ei pressemelding frå Surnadal kommune no i kveld, får vi opplyst at ein gjestearbeidar har testa positivt for korona ved innreise. Gjestearbeidaren er registrert i Surnadal, men er på oppdrag i ein annan kommune. Han er som følge av den positive koronatesten isolert der.
Kommuneoverlegen fekk i kveld melding om positivt prøvesvar på testen som gjestearbeidaren tok ved innreise til Norge fredag. Arbeidsgjevaren bur i Surnadal og er sett i nærkontaktkarantene. Husstanden er sett i vente-karantene. Ytterlegare ein person i Surnadal er sett i vente-karantene. Desse personane vil bli testa i morgon, måndag.
Gjestearbeidaren blir følgt opp av kommunen kor vedkommande befinn seg på oppdrag.
Situasjonen i Surnadal er avgrensa og under kontroll.