Da frivilligsentralen opna 10. mars, var det berre såvidt dei rakk å opne døra for brukarane – før dei måtte stenge igjen. I dag – etter 7 månader med koronastenging var det markert at dei opna dørene igjen. – Vi var max uheldig med timingen for opninga, men er glad for at vi no har fått opne dørene igjen, seier Hilde Staveli Solli som er dagleg leiar ved Frivilligsentralen.
![](http://todalen.no/wp-content/uploads/2020/10/AlleFrivillighetssentralen_8004-1200x788.jpg)
Alle er glad for at Frivilligsentralen har opna igjen. Frå venstre Reidar Brøske, Lilli Hysby, Hilde Staveli Solli og Lars Sæther. Foto: Jon Olav Ørsal
Men no har vi fått alle smittevernhensyn på plass og gleder ogss til å kome i gang med aktivitetane. Dei første brukarane var på plass måndag kveld, da Folkeakademiet tjuvstarta litt. I dag er det dagsentret for eldre som brukar lokala og torsdag er første kveld med ungdomsklubben planlagt. – Her får vi ei trinnvis opning, fortel ungdomssekretær Lars Sæther, da deltakarane i første omgang må ha same klassetrinn – derfor må vi dele kveldane. Etter kvart vil vi få ei turnusordning som fordeler bruken av klubblokalet framover til jul. Komande torsdag er 8. og 9. klassetrinn, på plass i gjenopna ungdomsklubb frå 17.00-18.30 og 19.00-20.30 for 9. trinn. .
Surnadal pensjonistlag har også meldt sin interesse, og vil arrangere treff med kafédag på fredagar. Da kan medlemane og andre stikke innom og treffe andre i eit triveleg sosialt lag. Tider for bruk blir annonsert på heimesidene til både Frivilligsentralen og heimesidene til brukarane – eksempelvis Surnadal pensjonistlag eller ungdomsklubben.
Etter 7 månaders ufrivillig pause er det godt å kome i gang igjen, seier Hilde Staveli Solli, som håper at det no kan bli tilnærma normal drift i tida framover. Kulturleiar Lilli Husby er også enig i at det er på tide at det vart ny start på Frivilligsentralen – som er lokalisert i Fiskebygget der Sentrum klær heldt til.
![](http://todalen.no/wp-content/uploads/2020/10/NyttTapet_8001-1200x826.jpg)
Rickard Larsson fra Trollheim Reklame tapetserer siste veggen før alt er klart. Foto: Jon Olav Ørsal
![](http://todalen.no/wp-content/uploads/2020/10/Frivillighetssentralen_Surnadal_8007-1200x776.jpg)
Surnadal Frivilligsentral er lokalisert i Fiskebygget, der Centrum klær heldt til tidlegare. Foto: Jon Olav Ørsal