Frarådar bading ved Todalen småbåthamn

Miljøretta helsevern har teke prøvar av badevatnet rundt om i Surnadal kommune, og analysen NemkoNorlab har gjort, viser verdiar som gjer at det inntil vidare blir fråråda å bade ved Kalkstranda, ved Søysetøran og ved Todalen småbåhamn.

Styrtregnet måndag morgon har truleg påverka nokre av badestrendene våre i negativ grad. Den siste prøvetakinga viser dårleg vasskvalitet ved Kalkstranda, Søysetøran og Todalen småbåthamn. Prøvane gir eit der og da bilete av vasskvaliteten. Forholda kan raskt endre seg, men her bør vi ikkje bade før nye prøvar viser at vasskvaliteten er friskmeldt, melder Miljøretta helsevern.

Vasskvalitet for friluftsbad blir i hovudsak vurdert ut i frå innhaldet av tarmbakteriar (termotolerante koliforme bakterier – TKB) og intestinale enterokokker (E)).

Dette er bakteriar som er teikn på avføring fra menneske eller pattedyr. I dei europeiske normene (2006) blir den bakteriologiske vasskvaliteten vurdert og delt i tre tilstandsklassar: Grøn (utmerket), gul (god) og raud (dårleg).

Det er særleg småbarn og personar med nedsett immunforsvar som kan bli sjuke av å få i seg vatn med høge forekomstar av slike bakterier.

Prøvane som viste raud tilstandsklasse vart tatt 16. og 17. juni. Det blir teke ny prøve på dei «raude strendene» etter helga og ny runde av alle i veke 28.

Resultat vasskvalitetsmålingar