Seniorfilmklubben viser filmen Stalins død onsdag 27. november klokka 13:00. Folmen handlar sjølvsagt om Josef Stalin – men mest om dei han delte makta med. Så dette er ikkje noko å flire av – eller rettare sagt, det er akkurat det det er!
Josef Stalin, leiaren av Sovjetunionen gjennom knappe tretti år, var skruppellaus og paranoid. Det resulterte i at mange millionar av hans eigne landsmenn vart avretta eller sendt til dødsleirar i Sibir. Alle kring han var difor livredde for eigne liv. Filmen handlar om det som skjedde da han døde i 1953 – og, altså: dette er faktisk ei komedie, ei absurd satire av dei aller beste, og også svært avslørande for kor “små” mange såkalla store menn er.
Fleire maktsjuke menn kan du treffe i Gladiator 2, som har 15 årsgrense. Likte du den første filmen, vil du også like denne. Betre effektar i 2’rn, men kanskje litt svakare dialogar enn i den første Gladiatoren.
Foto: 2024 Disney Enterprises, Inc.
Vaiana 2, som har 6 årsgrense, og kjem frå Walt Disney Animation Studios, er den nye filmen for dei yngste med premiere til helga. I denne filmen legg Vaiana ut på ei farleg reise ut frå Motunui saman med Hei Hei og Pua. Filmselskapet melder at det er sekvensar med blinkande lys som kan påverke dei som er følsame for slikt.
Andre «gamle» filmar denne veka er «Tre menn til Vilma, 9 årsgrense, «Jul med Astrid Lindgren», for alle og «Terrifier 3», som har 18 årsgrense.
Heile kinoprogrammet ser du på surnadal-kulturhus.no/filmer/