Spreiing av framande skadelege planteartar utgjer ein stor trussel mot naturmangfaldet, t.d. kan naturleg stadeigne artar bli utkonkurrert og utrydda. I Norge utgjer dette ein økologisk risiko som har gjort at miljøforvaltninga for tida har temaet høgt oppe på dagsorden. Surnadal kommune har i 2015 fått kr. 30 000 frå fylkesmannen i Møre og Romsdal til kartlegging av kjempespringfrø, parkslirekne og rynkerose. Desse tre planteartane står på Artsdatabankens svarteliste for karplanter og inngår i lista over artar som det fra 1. januar 2016 vil være forbudt å innføre, sette ut og omsette i Norge.
I den anledning har Surnadal kommune tidlegare i sommar oppfordra sine innbyggjarar til å bidra med informasjon om desse artane, slik at dei får kartlagt utbreeinga lokalt i kommunen. Kartlegginga i 2015 vil bli utført av iTrollheimen ved Gøran Bolme og vil danne grunnlag for fjerning og avgrensing av forekomstar i regi av Surnadal kommune i åra framover. Han fortel at det er komne fleire innmeldingar av observasjoner, men oppfordrar gjerne at folk melder inn fleire. Det er også muleg at registrering av observasjonar vil fortsette i 2016 fortel han.
Les heile orienteringa frå miljøvernrådgivar Bodil Gjeldnes i hos Surnadal Kommune: Framande skadelege planteartar i Surnadal
Kva kan du gjere?
– Grunneigarar og hageeigarar oppfordrast til å bekjempe artane. Dette må skje på rett måte for å hindre ytterlegare spreiing.
– Meld frå om større og mindre førekomstar av kjempespringfrø, parkslirekne og rynkerose til: post@itrollheimen.no
- Rynkerosa er fin å sjå til og luktar utruleg godt. I Todalen finst ho blandt anna rett ved vernesona i båthamna/badeplassen, og i hagen til overredaktør Ørsal.
- Parkslirekne
- Kjempespringfrø har du heilt sikkert sett fleire plassar i sommar?
