Når du står i Toåa med fluestanga, står tida stille. Mange har sagt at det er ikkje avgjerande om du får laksen på kroken – opplevinga kan ikkje målast. Tyskaren Enzo Hamann er ein av dei som har forelska seg i Toåa og livet på Todalshytta. Vi trefte Enzo og Arve i Båthølen i dag, og slo av ein prat…
Arve Evensen har 50 års erfaring med flugefiske – her får Enzo Hamann gode råd for flugeval for Toåa med lita vassføring. Foto Jon Olav Ørsal
Denne veka er han her for andre gong i år – han var her første gong i starten på juli, men da var det så lita vassføring i Toåa at han mesta ikkje fekk ut fluesnøret. I samråd med Arve Evensen på Todalshytta vart han booka inn på ny tur i slutten av august – men det er like ens no – i dag var det 1,56 m3/sek på Storfossen. Det burde vært 6-7 m3/sek. for å være gode forhold for flugefiske.
I båthølen er det gapahukar på begge sider av Toåa – her er det også ein universell fiskerampe i tilknyting til gapahuken på nordsida. Foto Jon Olav Ørsal
Enzo er frå Leipzig i Tyskland og har fiska i norske elver i over 20 år – han har vore i mange forskjellige vassdrag på laksefiske. No er det Toåa som gjeld – naturskjønt og samtidig stille og roleg. Det setter han stor pris på, og så er det maten da – det finnes ikkje maken til Todalshyttas kjøkken og forpleiing. Å kome gjennom tunellen til Todalen, det er som å kome til endestasjonen i positiv forstand – stille og godt å være.
I dag vart det ikkje noko resultat, men humøret var det ikkje noko å seia på. Du veit vel det at laksefiskarane reknar med resultat på neste kast. Foto Jon Olav Ørsal
Enzo kjem som sagt frå Leipzig og er til dagleg ortopedisk kirurg med spesialitet på kne, hofter og skulder – her har han også ein privat klinikk for utredning av pasientar og diagnostikk – dei fleste kirurgiske inngrep skjer på hospitalet der han er tilsett. Etter kvart har det også vorte ein del kundar i Noreg – til og med i Todalen – men det blir ei anna historie.