Søndag kveld var det lysmesse i Todalen kyrkje – det skjedde midt i mørkret i ei verd full av ufred og krig, der neste års konfirmantar tente fredslyset i håp om fred. Eit trettital – rundt halvparten av alle konfirmantane frå heile Surnadal deltok i lysmessa og tente lys og sørga for tekstlesing og framførte dagens preike på ein framifrå måte.
Det er knappe 60 konfirmantar i Surnadal i år – rundt halvparten deltok i lysmessa søndag kveld. Dyktig ungdomar som tok oppgåvene på strak arm! Foto Jon Olav Ørsal
Godt og vel 80 personar deltok i dagens lysmesse, der altså rundt halvparten av årets konfirmantar deltok. Oda og Sigrid, frå årets konfirmantkull, heldt dagens preken som hadde tema Folket i mørket og ønsket om fred som lystenninga symboliserer. Elles gikk tekstlesing på omgang mellom konfirmantane og alle deltok sjølvsagt i lystenninga under gudstenesta.
Tekstlesinga gjekk på omgang mellom konfirmantane – her er det Jens Sancho som er i «elden». Foto Jon Olav Ørsal
Dagens takkoffer gikk til konfirmantundervisninga, og dersom det er nokon som vil være med og bidra, så er det ikkje for seint enno – du vipsar berre til Vipps# 506 908 som går til Todalen sokneråd. Elles er neste gudsteneste i Todalen kyrkje på julaftan, 24. desember med start kl 16:00.
Lystenning under dagens gudsteneste – foto Jon Olav Ørsal
Konfirmantane sørger for lystenning – foto Jon Olav Ørsal
Etter gudstenesta var det kyrkjekaffe – foto Jon Olav Ørsal
Todalen kyrkje bada i flomlys søndag kveld – foto Jon Olav Ørsal