Flott konfirmasjonsgudsteneste i Todalen kyrkje

I dag låg det godt til rette for ei flott konfirmasjonsgudsteneste – sol frå blå himmel har vore noko uvant den siste tida og vart nok difor lagt så godt merke til.  I år var det to konfirmantar i Todalen, nemleg Trygve Alexander Halle og Jens Sancho Hadraque Ansnes, og det var Prost Vidar W. Rygh som var liturg, medan Åsmund Valde var organist. Rundt 80 personar deltok i konfirmasjonsgudstenesta, og med det vart det ein flott salmesong. 

Vidar W. Rygh heldt ei flott preken til konfirmantane, der han samanlikna livet med eit fallskjermhopp. Som tidlegare marienejeger og erfaring frå nettopp fallskjermhopping så visste han nok kva han snakka om, og konfirmantane fikk med seg gode råd om når dei skulle trekke i snora og etter kvart lande trygt. 

Under dagens gudsteneste var det takkoffer til kyrkjelydsarbeidet, og dersom du vil være med og bidra er det berre å bruke vipps nr 506908 for  bruke den digitale tenesta.  Digitale teneste vart også bruka for å overføre dagens konfirmasjonsgudsteneste via internett – her går du berre inn på kirken i Surnadal – YouTube.

Under dagens gudsteneste var det Borghild Talgø som var tekstlesar og kyrkjevert saman med Rune Moe.  Kyrkjetenar var Tor Rune Halset.