Flott julekonsert i kyrkja!

I ettermiddag markerte Todalskoret og Åsskard kyrkjekor 4. søndag i advent med ein flott julekonsert og eit forsterka felleskor. Dei kunne også by på ekstra solistar til songen, kammerkor og Tor Strand som pianist, så vi fikk litt av ei oppleving i kyrkja i dag.

Todalskoret var forsterka med Astrid Hyldbakk, Torunn Kroknes, Marie Skjerdal i tillegg til Sigrid V. Bøe, og det var med og løfta korsongen til nye høgder.  Torunn og Sigrid hadde også fleire solonummer i tillegg til todalskorets eigen Øystein Moe.

I orkesteret høyrde vi Marthe B. Stavrum (fløyte), Ebba Ringmar (obo), fiolinistane Trond H. Saltvik og Odd Sonntag og Anna Ostachowska (bratsj).  Som vanleg var det dirigent Bernt Bøe som losa oss gjennom konserten med sine lune forteljingar og gode måte å introduisere programmet på.

Etter konserten fikk Bernt helsing og gåve både frå Todalen sokneråd og frå Stangvik jentekor. Egentleg er Bernt gått over i pensjonistenes rekkjer, men vi får nok nyte litt godt av hans entusiasme for korsong og musikk også i fortsettinga vil vi tru.

Etter at dei var ferdige med konsertprogrammet i Todalen så bar det vidare til Åsskard kyrkje og ny konsert seinare på kvelden.