Todalen Grendalag står som initiativtakar og arrangør av den flotte julegata på Kvennset i samarbeid med Talgø og Matkroken Todalen som også er med på lyssettinga. Det var mange som trossa dei 15 kuldegradane og møtte opp for å være med på tenninga av julegata som skjedde søndag kveld – presis kl 18.
Nissane kom frå nisseverkstaden i Kvennsetdalen og hadde med pakkar til alle borna. Foto Jon Olav Ørsal
Grendalaget serverte kaffe og gløgg til dei frammøtte og arrangerte også lotteri for å finansiere prosjektet med julegata. For barna var det også nissebesøk – dei to nissane hadde med seg populære pakkar og kom sikkert frå nisseverstaden i Kvennsetdalen.
Magne Søyset vann telefonkaka på lynlotteriet – her saman med Arndis. Resten av gevinstane blir trekt i løpet av kvelden og publisert i eiga sak. Foto Jon Olav Ørsal
Det var forresten lynlotteri for loddkjøparane som kjøpte lodd under arrangementet, og her vann Magne Søyset ei telefonkake. Resten av lotteriet som har gått over fleire dagar blir trekkt i løpet av kvelden når vippskontoen er kontroller og alt er kome med. Trekninga kjam vi att på i ei eiga sak!
Jostein Bruset er klar til å servere gløgg og kaffe til publikum. Foto Jon Olav Ørsal
Sjølvutnemnt borgermeister Terje Nordvik var ansvarleg for nedteljinga. Foto Jon Olav Ørsal
Det var godt med noko varmt – fritt val mellom kaffe og gløgg. Foto Jon Olav Ørsal
Uttruleg mange som kom på julegatetenning til tross for at det var 15 kuldegrader på Kvennset. Foto Jon Olav Ørsal