Torsdag kveld var det vårdugnad på Bordholmen stadion. Klubbhuset vart vaska og rydda, og det vart klargjort for montering av nyinnkjøpt kjølehjørne, som det er plana å montere på neste dugnad, laurdag den 13. mai.
Astrid var ein motiverande rettleiar for ungdommane. Foto: Elinor Bolme
Ungdomsrommet tek form
Fleire ungdommar møtte opp for å ta til på arbeidet med å få lage det nye ungdomsrommet i reiskapshuset. Under kyndig og motiverande rettleiing frå Astrid K. Longva gjorde ungdommane ein kjempeinnsats, og fekk vaska ned rommet og starta arbeidet med å grunne veggane. Dei tykte det var for lenge til den 13. mai med neste dugnad, så dei vart samde om å møtast allereie måndag 8. mai klokka 18:00 for å fortsette arbeidet.
Nils Ove ferdigstilte den nye gangen/slusa mellom reidskapshuset og det nye ungdomsrommet. Foto: Elinor Bolme
Elles vart den nye gangen mellom reiskapshuset og det nye ungdomsrommet ferdigstilt.
Kjekt med truck når alle borda skulle takast ut og plasserast på rett plass. Foto: Elinor Bolme
Bord og benkar vart køyrt ut og plassert på sine respektive plassar, mellom anna i ungdomshuset og turstien. Reiskapshuset vart elles rydda. Alle veggar og klatretak frå det demonterte klatrerommet vart henta under dugnaden i går kveld.
Borda kjem på plass. Foto: Elinor Bolme
Til slutt var det kaffe, kaker og is til den yngre garde. Det smakte godt etter ein effektiv dugnad!
Før arbeidet med å grunne kunne ta til, måtte det vaskast. Foto: Elinor Bolme
Neste dugnad på Bordholmen og i Toåa tursti er laurdag 13. mai klokka 11:00. Meir informasjon kjem når dugnadane nærmar seg.
