Tysdag hadde Fjellgruppa i Surnadal Pensjonistlag ein topp topptur til Innerdalen. – Ja, ikkje slik at vi var på Tårnet eller enda verre spissar, men det å rakkel innover og oppover i godt lag til Innerdalen åpnar seg, det er makalaust!, fortel Kristian Ranes i Fjellgrppa
I god samtale med seterverten Eystein Opdøl. Foto: Anne. V. Einm
– Verre vart det ikkje da dåmen av nysteikt bakels møtte oss etter som vi kom til vatnet, vi langa ut litt ekstra for å sikre oss plass.
Velkomen til Innerdalen, Norges vakraste dal. Foto: Anne V. Einum
– Heilt bortkasta – hyttevert Eistein stod og tok imot oss, klar med både bakels, rømme og syltetøy!
Litt lenger inn i dalen ligg innerdalshytta. Foto: Anne V. Einum
– Og smørgraut! Det var berre å benke seg og forsyne seg med 5 store bakelshjart, kaffe vart fylt i koppane og setergildet var i gang. Ei overlag triveleg stund!
Spegling i Innerdalsvatnet. Foto: Anne V. Einum
– Veret var lagomt, vi var 35-36 da vi gikk opp, vonar omlag like mange kom ned, avsluttar han.
Glade for kvar snøbred vi ser. Anne V. Einum
Fjellgruppa sin neste fjelltur går også til ein nabokommunen, for da er Garbergfjellet i Rindal turmålet.
