Tysdag gjekk Fjellgruppa i Surnadal Pensjonistlag sin fjelltur til Ranessetra. Vêrgudane varta ikkje opp med det beste vêret. – Vi var ei lang rekkje som starta oppover mot salen, og veret var knapt halvbra, men vart ikkje verre heller, kan Kristian Ranes i Fjellgruppa fortelje.
Oppå Salen. Foto: Anne V. Einum
– Skodda låg nedi dalenes dal, men moralen var god, så vi fortsett innover mot Midtsetra, og etter kvart skein vatnet fram, held Kristian fram.
Pause på gammelsetra. Foto: Anne V. Einum
– Det kringla røyk frå pipa, for der hadde Tor Asle fyra opp og koka ekte seterkaffe. – Til slutt fekk alle plass inni skjelet, og no var vi ein meir: Gudmund K. starta som etteranmeldt frå bommen og nådde oss att på setra – 3,5, km motbakke ekstra gjekk for det same, fortel han.
Kaffekokar Tor Asle på Ranessetra. Foto: Anne V. Einum
– Det vart sagt rosande ord om dei 3 Ranesbrørne (Arne Jostein, Tor Asle og Svein Ivar) og Per Øyahaug som var krumtappane i arbeidet da setra vart restaurert, avsluttar Kristian.
Nostalgi og hygge inne i seterskjelet. Foto: Anne V. Einum
Nedatt gjekk dei om Nilsbu, og no var vêret meir omgjengeleg, seier rapporten frå turen.
Matpause på setervollen på Ranessetra. Foto: Anne V. Einum
Alt i alt ein fin tur, var konklusjonen til dei tjuesju fjellvandrarane etter tysdagens tur!
