Fjellgruppa i Pensjonistforbundet Surnadal starta turen tirsdag ved eit lite skilt ved Østbødalsvegen på Holtahalsen. Derifrå vidare etter stien til Mellingfjellet gjennom skogsterreng forbi restar etter sommarfjøs og med kryssande stiar som hjortevilt gjer sitt beste for å bevare.
Ved fjellgamma Malibu – foto Anne Vognild Einum
Oppe ved Ljøstrinn flata det ut innover mot Lomtjønna og det vart utsikt til fjell, fjord og dalar. Etter ein liten pust etter motbakkane, bar det ned til Fjelldalsgamma/Malibu, som Anders og Einar Melling sette opp først på 2000-talet. Der vart det inntak av niste før vi gikk skogsvegen ned til Østbødalsvegen ved Mellinggjerdet og attende til Holtahalsen.
Her har vi lagt ut eit bildegalleri frå turen – alle foto Anne Vognild Einum
