Fjellgruppa i Surnadal Pensjonistlag hadde tysdag invitert til fjelltur til Grytbakksetra øvst i Bæverdalen, men da det allereie var kome snø der, så vart det i staden tur til Årnes, Persullukammen og til slutt Ja-benken. Inga dårleg erstatning i følge rapportane!
Opp frå Årnes. Foto: Anne V. Einum
– Etter kvart som sola kom fram steig både stemninga og høgda over havet, kan Kristian Ranes i Fjellgruppa fortelje.
Utsikt mot fjordane. Foto: Anne V. Einum
– Det er så rart med det – veret har omtrent alt å seie. Så det vart ein riktig så triveleg sistetur for denne sesongen.
To som nyter nista på tur. Foto: Anne V. Einum
Imponerande kor godt det er merka med namnskilt, både stigar og stader. Det er verdifult å ta vare på gamle namn og gjer det enklare å finne fram. Stor takk til Svein Årnes, han har lagt ned ein stor jobb med dette, avsluttar Kristian
Imponerande med all skiltinga utført av Svein Årnes i heile Årnesmarka. Foto: Anne V. Einum
Det var tjueein med på sesongens siste fjelltur, og alle kom ned att, heiter det i rapporten!
Utsyn til Hamnesfjorden med vakre Vargøya. Foto: Anne V. Einum
Onsdag 13. november prøvar Fjellgruppa å få til avslutningsmiddag på Hammerstuene. Nærare kunngjering kjem seinare.
