Tysdag inviterte Fjellgruppa i Pensjonistforbundet Surnadal til ny fjelltur, og denne siste dagen i september gjekk turen til Fauskåfjellet.
Startar på bratt grusveg fra Søyådalen. Foto: Anne V. Einum
Dette var eigentleg siste planlagte tur denne sesongen, men dersom det blir fint vêr så blir det kanskje rundturen om Salen og Ranessetra tysdag den 7. oktober, men dette blir kunngjort i løpet av helga, mellom anna her på Todalen.no, så følg med!
Vi nærmar oss målet. Foto: Anne V. Einum
– Etter bratte bakkar opp Midtseterlia og opp til Surnadals geografiske midtpunkt kom vi opp på Fauskåfljellet som viste seg i sin finaste haustdrakt og spegla seg i det blanke Fauskåvatnet, fortel Lars Gudmund Røen i Fjellgruppa.
Fauskåvatnet blikkstilt og vakkert. Foto: Anne V. Einum
Dette var som sagt siste planlagte tur for sesongen, men det var stemning for tur også tysdag den 7. oktober, så om veret blir godt nok, så blir det tur. – Men det kjem vi tilbake til i løpet av helga, avsluttar Røen.
