Siste søndagen i januar vart ein fin vinterdag med riktig så flotte forhold i lysløypa på Tjønnmyra. Det var nyoppkjørte, fine dårer og godt skiføre. Ski- og friidrettsgruppa arrangerte barn i løypa, og mange tok turen for å kosa seg med ski og akebrett. Arrangøren noterte deltakarar og serverte saft. Og deltakarane var blide og fornøgde.
Artig med vinter og snø. Einar, Martin og Shan Allan. Foto: Dordi J.H.
Hallvard på ski i lag med far Gunnar. Foto: Dordi J.H.
Fredrik tok ein liten pause til ære for fotografen. Foto: Dordi J.H.
Det var ikkje berre spreke ungar som kosa seg med snøen, her var det folk i alle aldrar, frå 2 til 80 år. Det vart både trim og triveleg prat.
Nicole og Selma synest det er stas med snø og ski. Foto: Dordi J.H.
Nathalie gjekk på ski før ho tok nokre rundar med akebrettet. Foto: Dordi J.H.
Trygve Aleksander tek velfortent pause i skigåinga. Foto: Dordi J.H.
Anlegget på Tjønnmyra er flott, det ligg i fint til i terrenget med fin løypetrase. Ikkje minst så er det nypreparerte dårer til ei kvar tid når det er snø. Her har idrettslaget eit skikkeleg flott tilbod for bygdafolket!
Justyna, Aleksandra, Julia og Radek la også søndagsturen til Tjønnmyra. Foto: Dordi J.H.
Både unge og dei litt eldre syntest at det var kjekt med skiføre. Frå venstre: Selma, Siri, Anders, Trygve og Åshild. Foto: Dordi J.H.
I dag, måndag, var det og skikkeleg godt skiføre, og Ståle ordna med gode spor. Foto: Dordi J.H.