Fin 1. mai-feiring i Surnadal

I dag inviterte Surnadal Arbeiderparti til god «gammeldags» 1. mai-feiring på Surnadal kulturhus. «Arbeidernes internasjonale kampdag» har vore feira i Norge sidan slutten på 1800-talet. I år var hovudparolane: Frihet, demokrati og solidaritet, noko som dessverre er meir aktuelt enn på lenge, sidan vi igjen opplever krig og krigshandlingar i Europa. Mange møtte opp på kulturhuset for å vere med på 1. mai-feiringa i Surnadal, slik at det vart eit flott arrangement. 

Helge Røv var programleiar for dagen. Han guida ein fullsett sal gjennom eit variert program med både talar og musikk. 

Leiar i Surnadal AUF, Emely Stangvik og nestleiar, Ole Dalsegg, imponerte alle frammøtte med ein fin appell for dagen. 

Hanne Berit Brekken, ordførar i Aure, nestleiar i Møre og Romsdal AP og landsstyremedlem, var dagens hovudtalar, og ho helt ein tidsaktuell og god tale. 

Surnadal hornmusikk, var i tradisjon tru, med på feiringa og helt ein minikonsert, mellom anna med avspeling av «Internasjonalen».

FrankLind, Frank og Linda Botten, spela og song til stor applaus frå dei mange frammøtte. 

Det var også eit stort basarbord med mange gevinstar frå lokalt næringsliv og enkeltpersonar, samt sal av kaffe og festkake. 

Arrangementskomiteen er særs godt nøgd med årets 1. mai-feiring i Surnadal, og dei glad for at så mange tok turen for å vere med på feiringa av dagen. Dei nyttar også høvet til å takke for alle gevinstane dei fekk til lotteriet og alle som har bidrege til gjennomføring av arrangementet. 

Her kan du sjå trekningslista for 1. mai-lotteriet i Surnadla