Foto: Jo Gjeldnes
Hopp under nyhetssakene

Festivalpunktum med fotballturnering på Svissholmen

Elinor Bolme Sundag 29. juli 2018

Etter i underkant 10 kulturelle innslag og opptil fleire etargilder var det på sin plass å avslutte helgas Stangvikfestival med litt god gamaldags fysisk fostring og fotball på høgste nivå. I alle fall så høgt nivå som deltakarane tillot, når Svissholmen fyltes opp med folk for siste post på programmet: fotballturnering.

Her var det lagt opp til to ulike divisjonar; eldre og yngre garde. Dei eldre fekk starte turneringa, der Musikkarlaget møtte Hyttelaget i første kamp. Musikarane tok etter 10 spennande minutt i land seieren. Andre kamp var mellom Todalen og Kvanne/IL søya. Her måtte dessverre Todalen sjå seg slått av dei lokale karane, og dermed sjå langt etter finalespel.

Før dei eldste spela finalen var det ungane sin tur. Her vart det to mikslag: Ei god blanding mellom todalingar, kvennalendingar, stangvikgardingar og hytteungar. Dei fekk boltre seg 2×10 minutt.

Trønderfrispark i farleg posisjon.

Dommar Mikael Dorsin hadde full kontroll i dommarrolla. Her noterer han nok ei scoring mot Todalen i herrekampen.

Til og med eigne speakarar var innleidd til fotballturneringa. Svein Sæter og Johan Øiestad underheld både som kongar, trenarar og ande originaler til forlystelse til publikum.

Og publikum var det retteleg mykje av på dette arrangementet også.

Festivalleiar Jo Inge Nes kunne etter endt festivalhelg sjå tilbake på 4 eventyrlege dagar der bortimot 1500 personar hadde vore innom på alle arrangementa tilsaman. -Dette har gått på skinner, og økonomisk er det gått over all forventning og over alle budsjett. Men ingen ting gjer seg sjølv, konstaterer han. -Festivalstyret har hatt med seg ein fantastisk dugnadsgjeng som har stått på frå start til slutt. Og med det vêrbruket vi har hatt i helga i tillegg, så har det vore heilt fantastisk! 

Og finalevinnarane vart Musikerlaget, som nærast klassa ut Kvanne/IL Søya.

Publisert: 29. juli 2018, 23:35