Fredag 4. april klokka 12:00 inviterer Surnadal bibliotek til gratis «lunsjforedrag» med forfattaren Marte Heian-Engdal på Surnadal bibliotek. Foredraget tek utgangspunkt i Engdal si bok «Et Gaza-liv».
Historikar, forfattar og ekspert på Midt-Austen, Marte Heian-Engdal, tek oss med på ei reise bakover i tid, der ho fortel om Gazastripa si historie som heim og slagmark i over hundre år. Vi får høyre historia fram til dei dramatiske vekene hausten 2023, da boka sine hovudpersonar måtte flykte for livet.
Arrangementet er eit samarbeidsarrangement mellom Surnadal bibliotek og Litteraturhus Møre og Romsdal.
Arrangøren ønsker alle velkommen til «lunsjforedrag» med Marte Heian-Engdal!