Det var ingen som kunne truge med å slå Erik Kårvatn på laurdagens Kårvatn Skyrace 2025. Det var einast vêrgudane som i morgontimane truga heile arrangementet med regn og kald vind. Den 29 km lange løypa vart avlyst, og deltakarane som var påmeld der, 28 i talet, vart overført til 15 km-løypa. -Det var ikkje forsvarleg å sende folk oppi høgfjellet med slik vind og nedbørsmengd vi opplevde da, seier leiar i arrangørklubben Mette Sæter Ormset.
Kristian Skjeflo Unhjem inn til dagens nest beste tid og seier i klassen M 15-20 på tida 1.36:26. Foto Jon Olav Ørsal
Det var ingen som kunne true Erik i dag, og han kom i mål på 1.34:07 som er ny løyperekord, og fekk beste tid av alle deltakarar i dagens løp. I klassen Menn senior var det Emil Ansnes som hadde nest beste til på 1.58:19 og tredjeplassen gjekk til Darius Mitrikas på 1.59:57. I klassen M 15-20 Var det Kristian Skjeflo Unhjem som fekk beste tid på 1.36:26 og Bjørnar flo Unhjem kom på andreplass med tida 1.39:48.
I klasse K-senior var det Astrid Wormdal som fekk beste tid på 2.05:14 og nest beste tid Åsne Naadland Holo på 2.49:00. I klassen K 15-20 var det Ida Brakstd Orset som vann klassen, med Ella Soglo på andreplassen.
Nytt liv på låven – i dag var det sekretariat og kaffesal i dei gamle butikklokala. Foto Jon Olav Ørsal
Det var 4 deltakarar frå arrangørklubben Trollheimen fjellsportklubb – i tillegg til Erik Kårvatn og Emil Ansnes fikk Halvor Drøpping tida 1.51:50 og Even Rodal Haugen 1.58:23 som også er resultat som det står stor respekt av. Sjå forøvrig den komplette resultatlista som du finn på denne lenka. Etter vêrtilhøva i føremiddagstimane er nok alt dette gode resultat, for det var både tåke og mykje regn tidleg på morgonen i dag – kald vid var det og på toppane. Det var nok ei fornuftig avgjerd å avlyse den lengste løypa på 29 km under slike tilhøve.
Fra startem på 15 km løypa, med rundt 60 deltakarar. Foto Jon Olav Ørsal
Løparane klaga på at det var kald vind opp mot Tydalsnebba som var høgste punkt på 15 km-løypa. Sleipt og glatt var det også frå bronkanten og oppover til Storbrona, medan det var betre lenger opp mot Tydalsnebba. Start og målgang var i tunet på Kårvatn, og her var det rigga til med sekretariat og sal av kaffe og nysteikte bakels i dei gamle butikklokala på låven, og det var nok godt for publikum å kunne trekke inn og under tak når regnbyene kom i tett rekkjefølge utover dagen.
Nedqafor har vi laga eit bildegalleri av det som har foregått på Kårvatn i dag – alle foto Jon Olav Ørsal
