Tysdag 11. februar frpå kl 18:00 og utover blir det høve til å bli med på eit lite oppfriskingskurs i trafikkreglane. Det skjer i Todalen ungdomshus, og er eit samarbeid mellom Todalen historielag og Trollheimen trafikkskole i Surnadal.
Det blir eit enkelt og lettfatteleg kurs der trafikkskulen vil sette fokus på aktuelle ting frå trafikkopplæringa – for eksempel så er det sikkert mange som føler seg usikre på kjøring i rundkjøringer. Fleire slike tema vil bli oppfriska og gjennomgått i løpet av denne kurskvelden. Ellers kan det vel bli nokre gode historier frå vår eiga oppkøyring til førarprøven.
Elles blir det som vanleg litt traktering – denne kvelden er det kaffe og bakels som står på menyen. Alle er velkomne til å delta.