Langfredag inviterte driftsstyret for skihytta til den tradisjonelle Kjerringdilten på Todalen Idrettslag si skihytta. Hytteboka viste at heile sytti to personar takka for invitasjonen og tok turen til skihytta i det fine påskevêret. Det var dårleg skiføre, eller rettare sagt snøfritt og heilt fritt for skiføre, så folk måtte i år ta føtene fatt for å kome seg på skihytta og Kjerringdilten.
Mange kom for å vere med på årets utgåve av Kjerringdilten på skihytta. Foto: Elinor Bolme
Snømangelen førte til at Kjerringdilten i år måtte arrangerast som fottur, men med idealtid som det alltid er på Kjerringdilten. Ellbjørg Haugen Larsen vann årets Kjerringdilt. Ho fekk sitt andre «napp» i vandrepokalen, som ho dermed vann til odel og eige. Ellbjørg vann også Kjerringdilten i 2023, men den gongen med ski på føtene!
Knut Halset var som vanleg «kjøkkensjef» under Kjerringdilten. Foto: Terje Nordvik
I rapporten frå driftsstyret for skihytta, skiriv Terje Nordvik:
«Rapport frå hyttestyret Skihytta:
Kjerringdilten gjekk som vanleg føre seg på Langfredag.
Styret meinar det vart gjennomført eit perfekt arrangement i stort sett fint vær.
Folk satt på balkongen og kosa seg og sola steika skikkeleg når den var skyfri. Det kom opp folk frå ca kl. 11 og den siste familien
kom opp ca kl 15.00. Da hadde 72 personer skrevet seg inn i hytteboka. Av desse var det 56 som deltok i Kjerringdilten.
Den gjekk mot normalt, dvs føre seg på beina uten ski. Kun en person passerte målstreken med ski på beina. Det vart oppsatt Idealtid på førehand, og løypa var knapp 2 km. Idealtida var 32 min og 15 sekunder. Og der opplevde vi å få ein vinnar som fekk andre nappet i vandrepokalen. Det var Eldbjørg Larsen som også vann konkurransen i 2023. Ho fekk derfor pokalen til odel og eie, som er i følge statuttene – 2 napp.
På kjøkkenet herja Knut frå kl 10 i dag, med koking av smørgraut og steiking av bakels. Både strømagregatet og bakelsjarnet gjekk kontinuerleg. Og det gjekk unna som varmt hvetebrød! Stort sett kø ved disken. I tillegg var det salg av kaffe, pølse med brød/lompe og sjølvsagt Kvikk lunsj. Alt han hadde til salgs vart utsolgt.
Det deltok 6 ongar under 10 år, som alle fekk premie. Nærmast idealtid vart her Eline Ansnes.
Dei som gjennomførte løypa var:
- Tormund Gjeldnes
- Elea Ansnes
- Mathias (Drøpping)
- Iver Mossing
- Eline Ansnes
- Ebba Ansnes «
Det deltok totalt 56 personar på sjølve Kjerringdilten i år, så det er tydeleg at løpet er populært sjølv om ein må skifte ut skiene med tursko eller støvlar.
Dei ti øvste plassane fordelte seg slik:
- Nr. 1. Ellbjørg Larsen – 1 sek. ifrå idealtida – pokal
- Nr. 2. Ola Bruset – 10 sek. ifrå idealtida – pokal
- Nr. 3. Brit Grønmyr – 15 sek. ifrå idealtida pokal
- Nr. 4. Bror Sæther – 19 sek. ifrå idealtida – premie
- Nr. 5. Frode Grønmyr 25 sek. ifrå idealtida – remie
- Nr. 6. Marit Søyset – 27 sek. ifrå idealtida – premie
- Nr. Torbjørn Larsen – 30 sek. ifrå idealtida – premie
- Nr. 8. Marit Ingeborg Ansnes – 32 sek. sek ifrå idealtida – premie
- Nr. 9. Torill Gjeldnes – 38 sek. ifrå idealtida – premie
- Nr 10. Jorunn Nordvik – 39 sek. ifrå idealtida – premie
To tredjedeler av deltakarane gjekk for fort i høve til årets fastsette idealtid.
Driftsstyret her dermed gjennomført nok ei vellykka utgåve av Kjerringdilten, og kan ta til med planlegginga av neste års dilt!
Fleire bilete frå årets Kjerringdilt kan ein sjå nedanfor:
