Eit sikkert vårteikn er sanitetskvinner som sel maiblomster, i år er det i Todalen sal av maiblomstkrans og bilblomster, ein kan altså pynte både seg sjølv og bilen ved å støtte ei god sak.
Solveig Glærum starta salget framfor «Matkroken». Sjølv om sola skein frå skyfri himmel, så var det litt hustre å stå på stand i nordavinden. Men heldigvis var det godt salg, og ikkje minst var det godt salg av lodd på eit fint måleri av Tanja Heggem. Biletet har tittelen «Håp om fred», ein tittel som er så alt for aktuell i dag. Biletet blir trekt på årsmøtet i januar 2023.
Hans kjøpte Maiblomst av Solveig. Foto: Dordi J H
Marit Sanden Søyset stilte på stand etter Solveig. Marit er «veteran» i Sanitetsforeninga og har årvisst seld maiblomster sidan midt på 1970-talet! I mange år foregjekk salet ved å gå gå frå hus til hus, det tok på tida, men det kunne også bli tid til god og triveleg prat.
Saniteten starta med sal av maiblomster alt i 1909, så dette er er ein gammel tradisjon, og inntekta har gått til humanitære formål. I mange år var kamp mot tuberkulose viktig. Inntekta av maiblomstsalget no går til hjelp og støtte til sårbare barn og unge.
Dette skriv NKS om Maiblomsten: Skap smil i en tøff hverdag.
Kjøp Maiblomsten og hjelp sårbare barn! Sammen kan vi hjelpe sårbare barn og flyktninger til en bedre hverdag. Sanitetskvinnene selger Maiblomster til aktiviteter i lokalmiljøet for både mor og barn som av ulike årsaker har det tøft. Dette kan være på grunn av svak økonomi eller at de er nye i landet uten nettverk. Lek og felleskap med andre barn er viktig for barnet og opplæring og felleskap med andre mødre er viktig for mor. Vi håper du vil bære Maiblomsten med stolthet.
Solveig Glærum med det fine biletet som Todalen sanitetsforening loddar ut i år. Foto: Dordi J H