I Nilsstua på Husby har dei fått ein litt uvanleg gjest på stabburstaket, fortel Gudmund Husby. Nærast mit oppå mønet på stabburet, god skjult i lyngen og graset som veks på taket har nemleg ei grågås bygd reir og det har etter kvart vorte 5 egg i reiret. No ligg ho og rugar på andre veka, og om 2-3 veker kjem det nok 5 nye «husbygardingar» til verda.
Her lettart grågåsa frå stabburstaket for å ta ei liten flytur. Foto: Jon Olav Ørsal
Grågåsa har gjømt seg bra på stabburstaket, for det er omtrent umuleg å sjå ho frå bakken. Gud mund klatra opp på taket for å sjekke reiret, og da tok ho kuten og rømte unna. Men etter ei lita stund var ho tilbake og la seg til å ruge vidare. Det blir spennande å sjå korleis dette går når ungane blir klekte – da blir det sikkert meir liv og røre på stabburstaket.
I Wikipedia kan du lese meir om grågåsa og korleis ho lever ved å følgje linken her
Gudmund er klar til å filme grågåsa på taket. Foto: Jon Olav Ørsal
Midt oppå mønet har grågåsa plassert reiret og er i gang med ruginga. Foto: Jon Olav Ørsal
Grågåsa som har tilhald på stabburstaket. Foto: Gudmund Husby
Her ligg grågåsa på reiret – midt oppå mønet, med god utsikt over heile Husbygarden. Foto: Gudmund Husby
5 egg – Ruginga starta for litt over ei veke sia – om 2-3 veker kjem ungane og da blir det nok meir liv på stabburstaket. Foto: Gudmund Husby