E. coli-bakteriar i fjorden ved Nordvik – unngå bading, tilrår kommunen

Ein sommarleg september har forlenga badesesongen for fleire, i tillegg våre heilårs-badarar. Ved Nordvik er det påvist for høge verdiar av E. coli-bakteriar og rådet er no å unngå bading i fjorden i dette området, skriv Surnadal kommune i ei melding til Todalen.no.

Uvisst om det er algar eller anna forurensing på Nordvikfjorden. Det skal no takast nye vassprøvar i fjorden. Foto Jenny Klinge

Inntil vidare er rådet å unngå bading i fjorden ved Nordvik. – Grunna observasjonar i fjorden ved Nordvik no i september, vart det tatt vassprøve. Resultatet av analysen viser for høge verdiar av E. coli-bakteriar. Vi anbefaler difor at ein unngår å bade i området.

Ny vassprøve vil bli tatt i løpet av neste veke. Det er kun ved Nordvik det er tatt prøvar. Det er difor usikkert kor stort område i Todalsfjorden som bør vere omfatta av rådet om å unngå bading i fjorden. Eventuelle oppfølgingsspørsmål vdr. påvist nivå av E. coli i fjorden kan rettast til vår miljøvernrådgivar Staffan Sandberg