I dag var det dugnad i Toåa tursti for å slå kantane, rydde litt kratt og for å få skråpa vegen. Turstien fekk i fjor haust nokre skadar som følge av stor elv. Deler av turstien må difor reparerast, eit arbeid Per E. Gjeldnes maskin skal utføre.
Kantslått. Foto: Elinor Bolme
Men før dette arbeidet kan ta til, måtte kantane slåast og litt kratt ryddast langs den populære turstien til Todalen Idrettslag.
Kantslått og rydding av kratt. Foto: Elinor Bolme
Det var bra oppmøte på dugnaden, så arbeidet var unnagjort på rundt to timar.
Litt raking vart det også! Foto: Elinor Bolme
Etterpå var det kaffe og sosialt samvær ved gapahuken i Båthølen, der det vart servert bålkaffe og bakst.
Etter dugnaden var det kaffe og kaker. Foto: Elinor Bolme
Todalen er heldige som har ein så fin og godt vedlikehalden tursti, som er til glede for mange både i og utanfor bygda!
