Ein gardbrukars mareritt er metallboksar inne i foret. Håvard Halset opplevde dette for andre gong no i helga og er glad for at kyrne ikkje fekk dei inn i munnen saman med siloen. -Vi ser med jamne mellomrom groteske bileter på nettet kor kyr blir oppskorne i munn og svelg grunna metallboksar som har vorte kverna inn i rundballar. Dette ender stort sett med dødeleg utfall og er ei lita otte, seier Håvard. Alt som ligg i åkrane ved slåttetider blir naturleg nok kverna av knivane i slåmaskinen og pressa inn i rundballane.
Dei aller fleste er dyktige til å ikkje kaste frå seg søppel langs veg og på utmark, og eg håpar folk fortsett med det, oppfordrar Håvard. Det er lettvint å berre kaste i frå seg, men kan ha store konsekvensar for dyra. -Og det som ligg frå seg slengt i grøfta kan lett ende i åkrane med hjelp av vinden. -Ta derfor med søpla heimatt, eller dit du er på veg, så unngås dette.
Håvard Halset er glad for at kyrne ikkje våga seg på metallbitane som låg spreidd på tre ulike plassar forbrettet. -Heldigvis åt dei rundt dei, slik at dei vart liggjande att.