I skrivande stund er det enno nokre timar til vi får høre klokkeklangen frå tårnet i Todalen kyrkje. Da er det liksom at julefreden senkar seg etter ei travel førjulstid, der mykje skal ordnast før julehelga. Vi i redaksjonen vil også prøve å ta litt fri, men samtidig vil vi også være «litt på» og få med oss det som skjer i lokalmiljøet.
Jula har etter kvart vorte digital, og staumen av julekort og julebrev har minka sterkt – no er det nok Facebook, Instagram og andre sosiale media som gjeld for mange. Slik er nok vi i redaksjonen også….
Vi helsar til alle våre lesarar rundt heile verda og ønskjer alle ei god og fredfull julehelg!
Helsing Mari, Dordi Jorunn, Elinor og Jon Olav