Yr.no melder om «mykje vêr» rundt komande nyttårshelg. Vi har allereie i dag fått ein forsmak med mykje vind, regn og sludd . Og meir skal det bli – det vil fortsette med meir regn, som etter kvart går over i sludd og snø frå måndag 30. desember. Det er sågar gult farevarsel for snø.
Frå søndag ettermiddag til måndag ettermiddag er det gult farevarsel for snø – skjermdump frå yr.no
Nyttårsaftan starter med snø, men det blir etter kvart opphaldsvêr utover kvelden. Er vi heldige så får vi ein pause i vêrbruket utover kvelden, slik at vi får sendt opp rakettar og fyrverkeri – før det startar på igjen med snøvêr på 1. nyttårsdag.
Avslutninga på gammelåret og starten på det nye ser altså ut til å bli kvit. Så sjølv om det ikkje vart kvit jul så ligg det altså an til kvit nyårsfeiring!