Dametrimmen tek ferie

Etter mange gode treningsøkter i gymsalen i vinter var det sesongavslutning for dametrimmen torsdag kveld med tur opp Romålia. Farten opp lia var god, så det er tydeleg at trimkveldane har gjort godt!

Vi hadde planlagt rast innpå Bergå, men trugande skyer og ein regneling i Rognnebbå, førte til at vi tok kaffelaget på Haukarsteinen. Det var lurt, for snart regna det godt på oss. Men vi fekk da takka Turid for flott trimopplegg for oss damene, og ikkje minst så er vi retteleg glade for at ho lova å starte opp att som instruktør til hausten! Da er sjølsagt både «gamle» og «nye» trimmarar velkomne.