«Hett & Svett» er treningsstudioet til Todalen Idrettsla. Det ligg i lokala som tidlegare vart bruka til bensinstasjon først og seinare vart det postkontor der til det vart opna post i butikk. No er lokala rusta opp og blir altså bruka til treningsstudio for Todalen ILs medlemar. I dag kom det ny romaskin på plass, samt 2 benkar som er bruka til styrketrening.
Les heile saka
På Hageland byr dei på mykje blomster denne helgen – aldri før har vi hatt så stort utval i sommarblomster, seier Hubertine Roebroke som er gartnar på hagesenteret i Surnadal. – Pizza blir det og, for både torsdag og fredag vil Kjell Arve fyre opp pizzaomnen og servere steinomnbakt pizza til kundane.
Les heile saka
Todalen sanitetsforening har mange jarn i elden – i dag promoterte dei seg på beredskapsdagen på Skei, medan andre stod på med lunsjservering i Sanitetshuset. Dei hadde invitert heim den vaksne garde i todalen og dermed vart det nærare førte personar rundt bordet i dei nyoppussa lokala i Sanitetshuset.
Les heile saka
Denne tysdagen stod i beredskapens tegn – Sivilforsvaret i Kristiansund ba seg heim til Surnadal for å vise kva dei står for. Leiar i LIA1 (Lokal Innsats Avdeling 1) frå Kristiansund, Svein Kringstad fortalte at dei i Kristiansund har 4 avdelingar og ca 100 personar i Sivilforsvaret. Ein del avb mannskapet er frivillige, medan nokre er utnevnt til slik teneste. No er dei litt rundt omkring for å vise seg fram, og for å informere litt om kva dei driv med. Folk har faktisk levd i den trua at Sivilforsvaret er eit byfenomen, men slik ar det ikkje lenger – vi må bidra der det er behov, seier Svein kringstad.
Les heile saka
Onsdag 28. mai klokka 20:00 – 01:00 inviterer Stangvik Grendalag på nytt til pubaften i Stangvikbryå. Shuffelboard og dartskive står klare for konkurranselystne gjester,og for dei som ønsker å spele sittande rundt bordet vil det vere fleire brettspel og kortstokker å velge i!
Les heile saka
Todalen sanitetsforening inviterer bygdefolket til lunsj i Sanitetshuset tysdag 27. mai kl. 13:00.
Les heile saka
Sanitetsforeninga inviterer til kløvertur måndag 26. mai. Oppmøte ved Matkroken og start derifrå kl. 11:00. Alle er velkomne til å bli med ut på tur!
Les heile saka
Dei siste dagane har familien Shade frå Michigan vore på gamle tomter i Todalen. Med Todalshytta som base og Ragnar Halle som kjentmann og omvisar har dei vore rundt og gjort seg kjent i Todalen. Mellom anna har dei vore innom Talgøtrøa, som er staden som Talgøyfamilien tok avskjed med da dei flytta til Eide. Bestefaren til Gregory, var fødd i 1877 i TalgøTrøa, og reiste vidare frå Eide til Michiganområdet i 1903 – da var han 26 år gamal.
Les heile saka
Under Kleivakvelden, som i år, på grunn av dårlege vêrmeldingar, vart flytta til Storstuå på Surnadal kulturhus, fekk John Pål Inderberg tildelt Kleivaprisen for 2025. Tordenskjold Songlag fekk ti tusen kroner og diplom frå Kleivafondet.
Les heile saka
For fjerde gong inviterte Vårsøghelga, i samarbeid med SpareBank 1 Nordmøre og Surnadal Næringsforening til mini-konferansen Saman for Surnadal i lokala til SpareBank 1 Nordmøre på Skei fredag.
Les heile saka
Tysdag 27. mai klokka 11:00 – 14:00 kjem Sivilforsvaret i Kristiansund på besøk til Surnadal. Her vil dei ha stand på kulturhusplassen framfor Surnadal kulturhus. Her vil Sivilforsvaret vise fram utstyr dei har for å ivareta beredskapen i fall ein krisesituasjon, og korleis dei arbeider med beredskap og eigenberedskap.
Les heile saka
Denne veka gjekk stavgangturen til Stangvika, med start frå Svissholmen og fottur vidare til Bøkeskogen. Vi var heldige som fekk med oss lokal guide som kjente godt til historia om Bøkeskogen og som var lokalkjent i terrenget. Denne dagen var vi 20 deltakarar på stavgangen – neste veke går stavgangturen til Svorka, og da er turen flytta til ONSDAG 28. mai – med start til same tid kl 11:00.
Les heile saka