Førehandssalet til «Jubileumsbasaren» i Todalen ungdomshus søndag 13. april (palmesøndag) klokka 18:00 – 20:00 held fram på Vipps (fram til midnatt laurdag 12. april) og på Matkroken Todalen fredag 11. april i tidsrommet 09:30 – 10:30 og 12:30 – 14:00. 

Da går vi snart inn i påskehøgtida, noko som inneber nokre små endringar i opningstidene hos Matkroken Todalen. Heilt stengt er det berre fredag 18. april (langfredag) og søndag 20. april (første påskedag). Elles er det nokre små justeringar av opningstida i samband med påska. HalsOil har som alltid ope 24/7 for drivstoffylling med kort!

Fredag 18. april (langfredag) klokka 13:00 inviterer driftsstyret for skihytta til den tradisjonelle «Kjerringdilten» på skihytta til Todalen Idrettslag. Vinnaren av «Kjerringdilten» får eit napp i vandrepokalen. I tillegg får dei tre beste kvar sin pokal til odel og eige. 

Nordvik grendalag har i år eit variert påskeprogram, som består av påskebasar i forsamlingshuset tysdag 15. april klokka 17:30. Det tradisjonelle seterrettet på Nordviksetra går føre seg torsdag 17. april frå klokka 12:00 og på kvelden er det afterski med påskequiz i forsamlingshuset klokka 19:30.

Takk for støtta til årets «fasteaksjon»! Takk også til alle konfirmantane, foreldra og frivillige som gjorde ein stor innsats for årets «fasteaksjon» tysdag 8. april, seier Gro Hauge Venås, på vegne av Kirkens Nødhjelp og årets «fasteaksjon»

Todalen bøgdalag inviterer til «Påskequiz» i Todalen ungdomshus onsdag 16. april (onsdag før skjertorsdag) frå klokka 19:00. «Påskequzen» tek til klokka 20:00. Fine premiar til dei to beste laga. Det blir sal av brus, øl og snacks.

I ein månads tid har Anna Kashtyper jobba på Matkroken Todalen som eit ledd i prosessen med å trene i å snakke norsk.  Anna har nemleg gått på norskopplæring i vinter, og no gjeld det å få trening i å bruke språket.  Anna tykkjer at språket er litt vanskeleg, for ho må forhalde seg til bokmål i norskopplæringa på skulen, medan kundane oftast brukar dialekt.  

Faktura for medlemskontingenten for 2025 i Todalen Idrettslag vart sendt ut i februar med forfall i starten av mars. Det er fortsatt mange fakturaer som ikkje er betalt, og idrettslaget har akkurat no sendt ut purringar på kontingenten for 2025. Medlemskontingenten er ei viktig inntektskjelde for Todalen Idrettslag, både direkte og indirekte, fordi medlemstalet er grunnlaget for utrekningar ved tildelingar av ulike offentlege tilskot,  

Sol frå skyfri himmel både siste måndagen i mars og den første måndagen i april, og det vart fine turdagar.

Tysdag 8. april frå klokka 17:00 vil årets konfirmantar og representantar frå Todalen Sokneråd besøke alle husstandane i Todalen, for å samle inn pengar til årets utgåve av Kirkens Nødhjelp sin «fasteaksjon». 

Fredag 11. april frå klokka 12:00 – 17:00 inviterer Lia gard til påskeutsal i sitt heilt nye bakeriutsal. Da blir det høve til å sikre seg både grovbakst og noko godt til kaffekosen i påska.