Da er vegkantane rydda til 17. mai

I kveld var det ryddedugnad, for å rydde langs vegkantana rundt bygda, slik at det skal vere fint til 17. maifeiringa. Mange, både frå Start 4H og andre, møtte opp for å vere med på ryddedugnaden, så på ein stor time var alle vegkantane rydda.

Dugnadsgjengen møtte opp på Bordholmen stadion. Der vart det delt opp i seks plukkelag som fekk tildelt kvar si rode. Det vart plukka søppel langs vegkantane frå Sissigrenda og oppover til Gammelfabrikken, frå Bruset og utover på Todalsøra, samt på Bordholmvegen og Pilskarvegen.  

Dugnadsgjengen, var etter dugnaden, einige om at det var lite søppel langs vegkantane, Dette betyr at todalingane er flinke til å kaste søppelet sitt dit det skal, nemleg i søppeldunkane. Det er noko å vere stolte av!