I skrivande stund er det 28 påmeldt til Norges Cup til den individuelle konkurransen i randonée i Dalalia laurdag. 22 herreklassen og 6 i dameklassen – i tillegg kjem eventuelle deltakarar i trim- og turklassen med påmelding ved start. Det er inga rekorddeltaking, men omtrent på same nivå som i fjor.
Konkurransen i individuell på laurdag går som kjent i Dalalia, medan søndagens konkurranse i vertikal går i Strengentraseen med Vang skiarena som utgangspunkt. Laurdagens individuelle har både start og målgang i gardstunet på Kårvatn, medan løypa går opp Dalalia og til ytre toppen på Tydalsnebba – rundt 900 høgdemeter. Laurdag er det fellesstart både for herre- og dameklasser kl 11:00 frå gardstunet på Kårvatn. Du finn meir info om det som skal skje på nettsida til Kårvatn Skimo.
Erik (startnr 49) gjorde sitt beste løp i World Cup tidlegare i år – Foto ISMF
Favorittar på heimebane?
Her må kanskje Erik Kårvatn og Isak Drøpping finne seg i å være favorittar på heimebane, men det er mang sterke namn på deltakarlista, så her er ingen ting avgjort på forhand – det gjelder både herre senior og herre junior. I dameklassen kan vi nemne Ida Waldal og Ingrid Klokset. Både Erik, Aron og Isak har konkurrert i Mellom-Europa den siste tida, og oppnådd sterke resultat i konkurranse med resten av World Cup-miljøet. Aron har imidlertid meldt forfall til løpet på laurdag på grunn av ein liten skade.
Nysnø på toppane?
Det er mindre snø enn normalt i Dalalia etter regn og mildvær for eit par veker sia – den siste veka har det vore nattkaldt, og det er skareføre frå stadion og oppover lia. Yr.no melder om litt snø i kveld og natt, med sol og klårvêr utover dagen på laurdag med 6-8 kuldegrader. Søndag blir det meir snø utover dagen og ein mildare vêrtype.
MaxStipend – god inspirasjon til satsing
Fredag vart det kjent at Aron Rodal Haugen og Isak Drøpping er tildelt kvart sitt MAX-stipend frå Sparebank1 Nordmøre og Sparebankstiftelsen Surnadal Sparebank. Stipendet er på 50.000 til kvar og er ein skikkeleg inspirasjon til vidare satsing på randonée.
Blir du med på banketten?
Det går enno an å melde seg på banketten som skjer på Todalshytta laurdag kveld frå kl 18:00 og utover. På menyen stor det Todalsburger med tilbehør, samt dessert. Det kostar kr 300 med frådrag av kr 150 for deltakarar og funksjonærar. Dersom du ikkje alt er påmeldt så gjer du det til Arve Evensen på SMS/telefon 929 97 550 så snart som muleg. Todalshytta minner også om at Todalsburgereen kan leveres som take away for den som vil spise heime.