No er det lamming på gang – i Viastua er dei første lamma alt komne til verda. Aller først ute var Jenny, som lamma 21. mars – som eit resultat av eit romantisk eventyr medan dei enno var ute på beite – men no er den ordinære lamminga i startgropa. Om eit par dagar starta «rushet», og da kjem nok lamma som perler på ei snor.
Jenny var føst ute – dei to lamma har alt vorte store og livskraftige. Foto Jon Olav Ørsal
I Viastua har dei knappe 40 lamsauer i år, og etter fosterteljing tidlegare i vinter er det rundt 80 lam som er i vente. – No er dei altså like rundt hjørnet, og Anne Berit Kvendset , som er matmor for sauene inviterer til lammesafari i Viastua no i påskehelga.
Da kan du melde deg på og kome til Viastua for å oppleve vårens vakraste eventyr som lamminga også er kalla. Frå skjærtorsdag til 1. påskedag tek Anne Berit mot besøk i smalastallen i tidsrommet 10 – 18 kvar dag. Ho vil helst at du skal melde deg på ved å sende ei SMS-melding til telefon 412 24 431.
Ventar på lamminga – det er knappe 40 sauer som skal lamme no i april. Foto Jon Olav Ørsal
Olea er favorittsauen, og er sterkt knytt til familien – ho er vant til å få litt ekstra oppmersamheit og ein og anna ekstra godbiten. Foto Jon Olav Ørsal