Komande laurdag og søndag går Skimo Kårvatn av stabelen, med Trollheimen fjellsportklubb som arrangør. Laurdag 15. februar arrangeres Norges Cup i individuell på Kårvatn, medan det søndag 16. februar er NM i vertikal i Vang skiarena på Kvanne.
Laurdag er det altså i Dalalia og oppover mot Tydalsnebba det skjer, startskotet går kl 11, med start i tunet på Kårvatn – trim- og turklassar startar kl 10. Arrangøren oppfordrar «lokale heltar» til å melde seg på for å delta i konkurransen. Det meldes om fine forhold oppover Dalalia, så har er det verdt å ta seg ein tur både for deltakarar og publikum. Her er det rundt 900 høgdemeter frå start til målgang der begge deler skjer på Kårvatn.
Frå starten for individuell i fjorårets konkurranse arkivfoto Jon Olav Ørsal
Søndag er det NM i vertikal med Vang skiarena som utgangspunkt. Vertikal er i prisippet førstemann opp, og her er det rundt 640 meter opp til toppen, der det er målgang. Her er det altså start kl 12, medan trim- og turklassar har start kl 11. Starten går i området ved Vang skistadion og målgangen er altså på toppen.
Påmelding og info
Nettstaden for Kårvatn Skimo med info og påmelding finn du på denne linken.
Siste frist for påmelding til individuell er torsdag 13. februar og for vertikal fredag 14. februar – sekretariatet er ope frå kl 9:00 både laurdag og søndag.