Todalen sanitetsforening er i gang med gang haustsesongen 2025. Måndag 25. august starta sanitetsdagen med kløvertur og vart avslutta med ope møte om kvinnehelse i Sanitetshuset.
Møtet om kvinnehelse var digitalt med oveføring frå Saniteskvinnene sentralt. Dette er ein effektiv måte for å nå ut med informasjon til medlemmer og interesserte i heile landet.
Sanitetskvinnene vender seg no til Stortingskandidatane med tydeleg melding om å ta kvinnehelse på alvor med blikk på overgangsalderen:
*Overgangsalderen er ingen sjukdom, men sjukefråværet til kvinner aukar i alderen 45 til 55 år.
*Ein tredjedel opplever moderate plager og ein tredjedel betydelege helseplager i overgangsalderen.
*Mange kvinner blir sjukmelde pga plager som muskel- og skjelettsmerter, søvnproblem, konsentrasjonsproblem, psykiske plager og heitetokter.
Den gode nyheita er at det finst effektiv behandling – mange har svært god effekt av ulike former for hormonbehandling. Men kvinner må ha god økonomi for å ha tilgang til denne bahandlinga.
Så kravet til politikarane frå Sanitetskvinnene er:
Vi krev at hormonbehandling for overgangsaldersplager blir tilgjengeleg på blå resept for alle kvinner som har behov for det!
Kløvertur i godver – her i Husbygarden. Foto: Marit Sanden Søyset.
Kløverturar i august
Kløvertursesongen starta opp 18. august med tur i Toåa tursti. Dagens tur gjekk frå Matkroken, rundt om Husbygarden, ein runde i Toåa tursti før samling i Kaffekroken.
Sosialt samvær, mosjon og frisk luft er helsefremmande.
Kløvertur 18. august. Her er Arndis, Dordi og Helen framfor gapahuken ved Båthølen. Foto: Marit Sanden Søyset.
På tur ned Husbyevjå. Foto: Marit Sanden Søyset.
Rundt bordet: Synnøve Hole Talgø, Helen Molde Saksen, Solveig Glærum, Arndis Søyset, Ragnhild Ansnes Moe, Steffi Bohle, Ingrid Pedersen, Jorunn Hals Ørsal, Jorunn Husby. Foto: Dordi Jorunn Halle.