Vi har tidlegare omtale birøktarkurs i Skulstuå, og delvis trefte vi att same gjengen i Skulstuå i dag. På dagsorden stod førebuing til overvintreing og handertering av honningen som biene har samla i løpet av sommarsesongen. Samlinga skjedde i regi av Nordmøre birøktarlag, og det var Anders Talgø som var kursleiar for kurset som går på andre året.
Anders Talgø er fagleg ansvarleg for kurset. I dag stod mellom anna klargjering til overvintring på dagsorden. Foto: Jon Olav Ørsal
Dagens kursddag starta med spørretime, og fortsette med dronninginnføring og klargjering til overvintring og sjekk av bikuben. Eit av hovudtemaene i dag var og handteringa av honningen frå sommarsesongen – med slynging, pakking og lagring. Anders Talgø viste praktiske eksempel på korleis ein skal handtere honningen og orienterte om ideelle temperaturar som var aktuelle for dei forskjellige prosessane for å få eit godt resultat.
På kurset deltek både nybegynnarar og erfarne birøktarar, fortel Anders Talgø, som altså er leiar for kurset som går i regi av Nordmøre birøktarlag og som i løpet av kurstida skal ha totalt 5-6 samlingar med faglig gjennomgang og med utvekslinga av erfaring og kunnskap mellom deltakarane.
Handtering av honningen var eit anna tema på dagens birøktkurs. Anders Talgø orienterte om prossessane for å få god kvalitet på honningen. Foto: Jon Olav Ørsal
I ei tid med krise og sterk tilbakegange for bier og humler er det meir aktuellt enn nokon gong å gje innsekta ei hjalpande hand, og eit av alternativa er å starte med birøkt. Meir info finn du på nettsida til birøktarlaget, der du og finn kontaktinformasjon.
Halvfabrikkata som skulle bearbeidas til rette kvalitet på honningen. Foto. Jon Olav Ørsal